Qazaqstannyń shyǵys aımaǵynda salqyn yzǵar saqtalady
ASTANA. Qyrkúıektiń 4-i. QazAqparat - Qazaqstan aýmaǵynyń basym bóligi aýqymdy antıtsıklonnyń áserinde bolady, al respýblıkanyń shyǵys bóliginde salqyn yzǵar saqtalady,
dep habarlady QR Tótenshe jaǵdaılar mınıstrliginiń baspasóz qyzmeti elimizdiń meteorologtaryna silteme jasap.
Jambyl, Almaty, Qaraǵandy, Aqtóbe, Shyǵys Qazaqstanda, al kúndiz Qostanaı oblysynyń keı jerlerinde jeldiń jyldamdyǵy sekýndyna 15-23 metrge jetedi dep kútilýde.
Ońtústik Qazaqstanda, kúndiz Qyzylorda oblysynyń keı jerlerinde shań borap, jeldiń jyldamdyǵy sekýndyna 17-22 metrge jetpek.
Aqmola, Pavlodar, Qaraǵandy, Shyǵys Qazaqstan oblystarynda túnde 0-2 gradýs sýyq bolady. Al Mańǵystaý, Atyraýda aptap ystyq saqtalady.
Qazaqstannyń ońtústiginde, ortalyǵynda, batysy men shyǵysynda, ońtústik-shyǵysynda joǵary órt qaýpi saqtalady.
Sınoptıkterdiń málimetteri boıynsha, taıaýdaǵy úsh táýlikte respýblıkanyń ońtústik, ońtústik-shyǵys jáne shyǵystaǵy taý ózenderinde sý deńgeıiniń tómendeýi baıqalady. Іle ózenimen Qapshaǵaı sý qoımasyna keletin sýdyń kólemi odan ary azaıýy múmkin.
