Qazaqstannyń Shveıtsarııadaǵy Elshisi qyzmetine resmı túrde kiristi
NUR-SULTAN. QazAqparat – Qazaqstan Respýblıkasynyń Shveıtsarııa Konfederatsııasyndaǵy Elshisi Álibek Baqaev Federaldyq Prezıdent Ýlı Maýrerge senim gramotalaryn tapsyrdy. Bul týraly QazAqparat SІM silteme jasap habarlaıdy.
Saltanatty kezdesý barysynda taraptar eki el arasyndaǵy dostyq qatynastar damýynyń joǵary deńgeıin atap ótip, aldaǵy ýaqytta josparlanǵan ekijaqty is-sharalar kestesin, sonyń ishinde keleshektegi ekijaqty joǵarǵy deńgeıdegi is-saparlar talqylandy. Sondaı-aq, 2019 jylǵy 28 qazanda Bern qalasynda ótetin Saýda-ekonomıkalyq yntymaqtastyq jónindegi Qazaqstan-Shveıtsarııa úkimetaralyq komıssııasynyń kezekti otyrysy sóz boldy.
