Qazaqstannyń shıkizattyq emes ónim eksporty shamamen 40 paıyzǵa ósti

ASTANA. QazAqparat – Qazaqastan ınvestıtsııa tartý boıynsha Ortalyq Azııadaǵy kóshbasshylyq pozıtsııasyn nyǵaıta túsedi. Bul týraly Memleket basshysy Qasym-Jomart Toqaev elde tirkelgen sheteldik dıplomatııalyq mıssııalardyń basshylarymen dástúrli kezdesýinde aıtty, dep habarlaıdy QazAqparat Aqordaǵa silteme jasap.

Memleket basshysy Qazaqstannyń qabyldaǵan jańa ekonomıkalyq baǵyty shynaıy erkin naryqtyq ekonomıka qurýǵa baǵyttalǵanyn erekshe atap ótti.

«

Ekonomıkany monopolııadan aryltý – bizdiń ulttyq basymdyǵymyz. Biz durys joldamyz. Jetekshi halyqaralyq qarjy agenttikteri Qazaqstannyń ekonomıkalyq ósimdi yntalandyrý jónindegi kúsh-jigerin oń baǵalady jáne Qazaqstannyń egemen reıtıngin «turaqty» boljammen rastady. Biz ashyq ekonomıka qaǵıdatyn ustanamyz. Álemniń 180 elimen saýda qatynastaryn júrgizemiz. Búkil álemdegi ekonomıkalyq kúızelisterge qaramastan, bizdiń shıkizattyq emes ónim eksporty shamamen 40 paıyzǵa ósti. Biz ınvestıtsııa tartý boıynsha Ortalyq Azııadaǵy kóshbasshylyq pozıtsııamyzdy odan ári nyǵaıtýǵa nıettimiz

», - dedi Prezıdent.