Qazaqstannyń shekara ótkizý pýnkteri shtattyq rejımde jumys istep tur - UQK

ASTANA. QazAqparat – Áleýmettik jeliler men messendjerlerde qazaq-reseı shekarasyndaǵy ótkizý pýnkteriniń jabylýy týraly aqparat taralýda. Ulttyq qaýipsizdik komıteti bul aqparatty joqqa shyǵardy, dep habarlaıdy QazAqparat.

«Qazaqstannyń ótkizý pýnkteri shtattyq rejımde jumys istep tur. Memlekettik shekara arqyly adamdardy, kólik quraldaryn, júkter men taýarlardy ótkizý Qazaqstan Respýblıkasynyń zańnamalary men halyqaralyq kelisimderine sáıkes iske asyrylýda. Reseılik taraptan ótkizý pýnkteriniń jabylýy týraly resmı aqparat túsken joq», - delingen komıtettiń habarlamasynda.

Eske salsaq, buǵan deıin UQK Reseımen shekaradaǵy ahýal baqylaýda ekenin aıtqan bolatyn.