Qazaqstannyń Shekara qyzmeti shekaradan 9 keli geroın alyp ótpek bolǵan eki er azamatty ustady
ASTANA. Aqpannyń 8-i. QazAqparat - Qazaqstandyq shekarashylar Qyrǵyzstanmen aradaǵy memlekettik shekara arqyly 9 keliden astam geroın alyp ótpek bolǵan eki er azamatty ustady,
dep habarlady Ulttyq qaýipsizdik komıtettiń baspasóz qyzmetinen.
Atap aıtqanda, aqpannyń 5-i kúni "Qordaı" shekarashylar otrıadynyń jasaǵy Qyrǵyzstannan Qazaqstanǵa bet alǵan "Nıssan" avtokóligin tekserý barysynda jalpy salmaǵy 6 keli 828 gramm geroın tárkiledi, - delingen komıtettiń habarlamasynda.
Sondaı-aq, aqpannyń 6-sy kúni "Merke" shekarashylar otrıadynyń shekarashylar jasaǵy Qazaqstanǵa avtokólikpen bet alǵan Qyrǵyzstan azamatyn ustady. "Onyń zattaryn tekserý barysynda astary bar sómkeden jalpy salmaǵy 2 keli 506 gramm geroın tárkilendi", - dep habarlaıdy vedomstvonyń baspasóz qyzmetinen.
Faktiler boıynsha tergeý amaldary júrgizilýde.
