Qazaqstannyń «Shal» fılmi «Kınoshok-2013» festıvaliniń bas júldesin utyp aldy
ASTANA. 23 qyrkúıek. QazAqparat - TMD elderi, Latvııa, Lıtva jáne Estonııanyń «KınoShok-2013» ashyq kıno festıvaliniń bas júldesin qazaqtyń «Shal» fılmi utyp aldy, dep habarlandy festıvaldiń saıtynda.
Bıylǵy jyly «Kınoshoktyń» negizgi baıqaýynda bas júlde úshin Ázirbaıjan, Armenııa, Grýzııa, Qazaqstan, Qyrǵyzstan, Latvııa, Lıtva, Reseı, Ózbekstan, jáne Estonııadan 11 tolyqmetrajdy fılm synǵa tústi. Baıqaýdyń qazylar alqasynda RF eńbek sińirgen óner qaıratkeri, teatr rejısseri Anatolıı Vasılev jetekshilik etken topta rejısser jáne akter Aleksandr Galıbın, Latvııa prodıýssseri Gatıs Ýpmalıs, kınotanýshy Natalıa Nýsınova men ótken jylǵy «Kınoshok» festıvaliniń jeńimpazy, grýzın rejısseri Zaza Ýrýshadze boldy.
Baıqaý qorytyndysy boıynsha, bas júlde qazaqtyń «Shal» fılmine berildi. Fılmniń stsenarııin jazǵan ári rejısseri - Ermek Tursynov. Al atalǵan fılmde basty róldi somdaǵan Erbolat Toǵuzaqov «Úzdik er adam róli» atalymyndaǵy júldeni jeńip aldy.
«Bul jaqsylyq jasasań, onyń qaıtarymyn surama deıtin uly dalanyń ósıeti, barǵa qanaǵat etip, baılyqqa qyzyqpaǵan kónbis ómir aǵymy, ańyzǵa aınalǵan kóshpeliler men olardyń urpaǵynyń baılanysy týraly týyndy», - degen baǵa berildi avtordyń kartınasyna.
Eske sala ketsek, TMD elderi, Latvııa, Lıtva jáne Estonııa elderiniń 21-shi ashyq «Kınoshok» festıvali 15-22 qyrkúıek aralyǵynda Anapada ótti.
