Qazaqstannyń shahmattan áıelder quramasy olımpıada altynyn ıelenýge qaýqarly

Bul týraly búgin elordada aıaqtalǵan jedel shahmattan jáne blıtsten álem chempıonatynyń qorytyndy baıapasóz máslıhatynda FIDE Halyqaralyq shahmat federatsııasynyń prezıdenti Kırsan Ilıýmjınov aıtty.

Onyń paıymynsha, elimizdiń áıelder quramasy erler quramasyna qaraǵanda 2 satyǵa joǵary tur. «Olar Azııa chempıonatynda, álem chempıonattarynda ózderin kórsetip júr. Meniń oıymsha, taıaý olımpıadalardyń birinde Qazaqstannyń shahmattan áıelder quramasy altyn medal  alyp qalar», - dedi ol.

Sonymen qatar  FIDE prezıdenti elimizde áıelder men erler shahmatyn damytýǵa jan-jaqty qoldaý kórsetilip otyrǵandyǵyna súısinetinin jasyrmady.

«Bul jerde keremet jaǵdaı jasalǵan. Prezıdent te, Úkimet te, mınıstr de, jýrnalıster de jan-jaqty qoldaý kórsetýde. Endi tek shahmat oınap, altyn medal ıelený ǵana qaldy», - dedi K.Ilmjınov.