Qazaqstannyń shahmatshy qyzdary álem quramasynan jeńilip qaldy
Qazaqstan shahmat federatsııasynyń prezıdenti Tımýr Týrlov Hoý Ifan bastaǵan álem quramasynyń myqty shahmatshylaryn quttyqtap, bizdiń komandanyń jaqsy oıyn kórsetkenin atap ótti.
«Men álemdegi eń jaqsy shahmatshylarǵa qarsy tura alatyn salaýatty batyldyqtyń, barabar ambıtsııanyń, senimdilik pen óz kúshine degen senimniń keremet úılesimin beıneleıtin bizdiń komanda ekenine shyn júrekten qýanyshtymyn. Bizdiń qyzdarymyzǵa jeńiske degen erik-jiger jáne keremet oıyn úshin alǵys aıtqym keledi. Búkil el sizderdi maqtan tutady», - dep atap ótti Tımýr Týrlov.
Qazaqstandyq shahmatshy Bıbisara Asaýbaeva da álem quramasy men Qazaqstan quramasynyń matchtyń jarysyn qorytyndylady.
«Ókinishke qaraı, jeńilip qaldyq. Óz oıynyma kóńilim tolady, tórt mını-matchtyń úsheýin jeńdim (Hoý Ifan men Harıka Dronavallıdi 3-1 esebimen). Nana Dzagnıdzemen taǵy bir matchty teń nátıjemen aıaqtadym — 2-2. Biraq, bosańsýǵa bolmaıdy, erteń Satty Zhuldyz týrnıriniń birinshi týry ótedi», - dep jazdy Asaýbaeva Instagram-da.
Buǵan deıin habarlanǵandaı, keshe rapıdten 4 sońǵy týr ótti. Qazaqstandyq shahmatshy Bıbisara Asaýbaeva álem men Qazaqstan áıelder quramalary arasyndaǵy alǵashqy kezdesýde shahmattan tórt dúrkin álem chempıony qytaılyq Hoý Ifandi, al Dınara Sádýaqasova ındııalyq Harıka Dronavallıdi jeńdi.
Qazaqstan shahmat federatsııasynyń aqparaty boıynsha, matchtyń besinshi týrynda bizdiń qurama jeńgen (4,5:3,5). Altynshy týrynda qarsylas komanda(3,5:4,5).
Jetinshi týrda bizdiń qyzdar shottaǵy aıyrmashylyqty azaıtty (4,5:3,5), biraq segizinshi týr Qazaqstan quramasy úshin sátsiz aıaqtaldy (5,5:2,5). Álem quramasy áıelder matchynyń ekinshi kúnin 34,5 esebimen aıaqtady.
Qazaqstan áıelder quramasynda - 29,5 upaı.
Búgin qyzdar blıts oınap, nátıjesinde jarystyń jeńimpazy anyqtaldy. Jalpy syılyq qory - 50 000 dollar.
Ár qurama eki komandadan quraldy. «A» komandasyna - tórt eresek sportshy, al «V» komandasyna 14 jasqa deıin, 16 jasqa deıin, 18 jasqa deıin jáne 20 jasqa deıingi sportshylar kirdi.
Qazaqstandyq «A» komandasyna Bıbisara Asaýbaeva, Jansaıa Ábdimálik, Dınara Sádýaqasova, Merýert Kamalıdenova, «V» komandasyna Ksenııa Balabaeva, Alýa Nurmanova, Lııa Qurmanǵalıeva, Zarına Nurǵalıeva kirdi.
Álem quramasynyń «A» komandasynyń quramyna qytaılyq Hoý Ifan, úndi shahmatshysy Harıka Drıýnavalı, Ázerbaıjan ókili Gıýnaı Mamedzade, grýzın shahmatshysy Nana Zagnıdze kirdi. «V» komandasynda - Nurgúl Sálimova (Bolgarııa), Joka Gaal (Vengrııa), Shrı B.Savıta (Úndistan) jáne Afrýza Hamdamova (Ózbekstan).
Áıelder týrnıri ıAn Nepomnıaşıı men Dın Lıjen arasyndaǵy 2023 jylǵy álem chempıony matchyna arnalǵan is-sharalar aıasynda ótti.
Oıyn 9 sáýirde Astanada bastalyp, 1 mamyrǵa deıin jalǵasady.
