Qazaqstannyń shahmatshy qyzdary Álem quramasyna qarsy oınaıdy

ASTANA. QazAqparat – Shahmattan Qazaqstannyń qyzdar quramasy Álem quramasyna qarsy oınaýy múmkin. Bul týraly Qazaqstan shahmat federatsııasynyń prezıdenti Tımýr Týrlov Jibek Joly arnasyna bergen suhbatynda málim etti, dep habarlaıdy QazAqparat tilshisi.

«Árıne, men bizde myqty qyzdar quramasy bar ekenin sózsiz maqtan etemin. Búgin bastalǵan sharanyń aıasynda bizdiń qyzdar álemniń qyzdar quramasyn jekpe-jekke shaqyrmaqshy. Shyn máninde bir kezdegi Keńes odaǵynyń quramasynan basqa eshkimniń mundaı jekpe-jekke dáti baryp kórmegen. Bizdiń qyzdar quramamyz da, Jansaıa da, Bıbisara da fantastıkalyq nátıje kórsetip júr. Tek qyzdar deńgeıinde ǵana emes, erler deńgeıinde de myqty kórsetkishte tur», - dedi Tımýr Týrlov.

Sondaı-aq ol suhbat barysynda Astana qalasynyń shahmattan álem chempıonaty ótetin oryn retinde nelikten taǵdalǵanyn túsindirdi.

«Biz Astanada shahmattan Álem chempıonatyn ótkizý úshin jańa jyldyń qarsańynda talasqa tústik. Sheshim qańtarda qabyldandy. Bizdiń túsingenimiz boıynsha, elimizdiń geografııalyq jaǵdaıy osyndaı sheshim qabyldaýdaǵy basty faktordyń biri bolǵan. Bul jarysta Qytaıdyń grossmeısterteri men Reseıdiń grossmeısteri Álem chempıony degen ataq úshin kúsh synasýy kerek. Biz sol eki sheberdiń jolynyń qıylysynda turmyz», - dedi federatsııa prezıdenti.