Qazaqstannyń shahmat federatsııasy álemde laıyqty orynǵa ıe - FIDE prezıdenti K.Ilıýmjınov
ASTANA. 25 qańtar. QazAqparat - Qazaqstannyń shahmat federatsııasy álemde laıyqty orynǵa ıe. Bul týraly búgin Qazaqstan shahmat federatsııasynyń kezekten tys sezinde Halyqaralyq shahmat federatsııasynyń prezıdenti Kırsan Ilıýmjınov málim etti.
Shahmat oıyn damytý ári onyń tanymaldylyǵyn arttyrý jolyndaǵy Qazaqstan bıliginiń zor eńbegine alǵysyn bildirgen ol: «Qazaqstannyń shahmat federatsııasy ulttyq shahmat federatsııalar arasynda laıyqty orynǵa ıe. FIDE reıtınginde 1400 myń shahmatshy, 20-dan astam groısmeıster bar. Eń bastysy osy jerde balalar shahmaty barynsha qarqyndy damyp keledi. Bizdiń de basty baǵdarlamalarymyzdyń biri osy ekendigin bilesizder. Sizderdiń qyzdaryńyz qurlyq jeńimpazy ǵana emes, sonymen birge halyqaralyq, álemdik jarystardyń júldegerleri atanýda. Álem chempıony ataǵyna da talasatyndyǵyna senimimiz mol», - dedi. Onyń atap ótinshe, Halyqaralyq shahmat federatsııasy úshin aǵymdaǵy jyl barynsha qaýyrt bolmaq. Óıtkeni, bıyl erler jáne áıelder arasynda 2 álem chempıonaty, dúnıejúzilik shahmat olımpıadasy ótedi. Sonymen birge FIDE Qazaqstanda elimizdiń shahmat federatsııasymen birlesip, búkilálemdik balalar olımpıadasynyń ótýine de muryndyq bolady. «ıAǵnı, jumys kóp. El Prezıdenti N.Nazarbaevtyń tapsyrmasymen bizderge qazirgi ýaqytta Halyqaralyq shahmat akademııasynyń, balalar shahmat mektebiniń qurylysyna ýchaske bólinýde. Meniń oıymsha, taıaý aralyqta másele sheshiletin bolady. Bul shahmat saraıy tek Qazaqstanda ǵana emes, sonymen birge búkil álemde sáýlet óneriniń biregeı marjanyna aınalady», - dedi K.Ilıýmjınov.
