Qazaqstannyń senimdi kıber qalqany qajet - Elbasy
«Sońǵy kezde tsıfrlandyrý, eldiń aqparattyq qaýipsizdik máseleleri ózekti bolyp otyr. Sondyqtan da Ulttyq qaýipsizdik komıteti men Úkimetke bul baǵyttaǵy sharalarmen aınalysý kerek. Bul másele memleket qaýipsizdigi úshin qaýipti iske aınalýda, jalpy mundaı jaǵdaı ózge elderde de baıqalýda. Alpaýyt meleketter onyń zardabyn kórýde. Ult josparynda aqparattyq qoǵamdy damytý boıynsha naqty maqsattar qoıylǵan, zań jobasy qaralyp jatyr. Alaıda bul máseleniń basqa da tustary bar. Tek sońǵy úsh jylda ınternette quqyqqa qaıshy kontent kólemi 40 esege ósti. Endeshe, bizge Qazaqstannyń senimdi kıber qalqany qajet. Biz ony qurý qadamdaryn keıinge qaldyra almaımyz. Osy oraıda elimizdiń múddesin, mádenıetin, qundylyqtaryn qorǵaýymyz kerek», - dedi QR Prezıdenti Parlament palatalarynyń birlesken otyrysynda.
Bul turǵyda Memleket basshysy qazirgi zamanǵy álemdik soǵystar áskerı tehnıkamen nemese sarbazdarmen emes, sońǵy býyndy tehnologııaǵa súıengen ǵalamtor jelisimen júrgiziletinin atap ótti.
Elbasynyń paıymynsha, qorǵanystyq aeroǵaryshtyq ónerkásibine erekshe nazar aýdarý kerek.
«Salany damytý úshin tıisti mınıstrlik quryldy. Qajetti kelissózder júrgizilýde. Bul mınıstrliktiń jumysyn tolyqqandy júrgizýge múmkindik beretin zań jobasy bıyl Parlamentke engiziledi», - dedi N. Nazarbaev.