Qazaqstannyń selıkon alqabyn jasaý qajet - Djozef Tsıgler
«Biz bul jerde eko júıeni damytyp, talanatty jastarmen jumys isteıtin bolamyz. Astana Hub-ta jumys isteýge usynys jasaǵany úshin qýanyshtymyn. Bul jerde kóptegen talanatta adamdar jınalatyn bolady. Olar bul júıeni birlese otyryp, damytady. Barlyǵy da barlyǵy da amerıkalyq selıkon alqabyn kóshirýge tyrysady. Bul durys ádis emes. Qazaqstannyń ózindik selıkon alqabyn qurý qajet. Óıtkeni, amerıkalyq selıkon alqaby erterekte qurylǵan jáne onyń de kemshilikteri bar», - dedi ol.
Onyń atap ótýinshe, Astana Hub startap jobalardy qalaı qurý kerektigin, ınvestıtsııa qalaı salý kerektigin úıretetin bolady.
«Injener retinde tehnologııalarǵa senimim mol jáne taıaý ýaqytta Qazaqstanda óziniń tehnologııasyn quratyn bolady. Jalpy, ózim de ómirde tabysty júzege asyrylǵan kóptegen startap jasaǵan edim», - dedi Djozef Tsıgler.
Aıta keteıik, forýmynyń ashylýynda QR Aqparat jáne kommýnıkatsııalar mınıstri Dáýren Abaev Qazaqstan Azııa men Eýropa tehnologııalyq ortalyqtarynyń arasynda altyn kópirge aınalatyndyǵyn aıtty.
Digital Bridge - Qazaqstandaǵy bıylǵy jyly ótip otyrǵan basty ınnovatsııalyq oqıǵa.
Qatysýshylar forýmnyń dıalogtik alańynda tsıfrlandyrý salasyndaǵy sońǵy álemdik trendterdi talqylap, aldyńǵy qatarly tájirıbelermen jáne bıznes-modeldermen bólisedi. Forýmǵa halyqaralyq ІT-qoǵamdastyǵynyń negizgi ókilderi, tehnologııa salasyndaǵy tanylǵan sarapshylar, kásiporyn basshylary, tehnologııalyq kásipkerler, sondaı-aq birqatar eldiń memlekettik sektorlarynyń ókilderi, ǵalymdar, tsıfrlyq ázirlemeler salasynyń mamandary, venchýrlyq ınvestorlar qatysýda.
Forým aıasynda «Tsıfrlyq ekonomıka damýynyń jahandyq trendi jóninde dıalogy» atty plenarlyq sessııasy ótedi. Sonymen qatar, sessııa jumysyna QR Premer-Mınıstri Baqytjan Saǵyntaev, Reseı Federatsııasynyń tsıfrlyq damý, baılanys jáne buqaralyq kommýnıkatsııalar mınıstri Konstantın Noskov qatysady dep kútilýde.