Qazaqstannyń segiz óńirinde sabaq toqtatyldy
ASTANA. QazAqparat - ShQO men Pavlodar oblystarynyń orta mektepterinde aıazǵa baılanysty sabaq toqtaǵanyna búgin úshinshi kún boldy, dep habarlaıdy «QazAqparat» HAA tilshisi.
Oblystyq bilim basqarmasynyń málimetine sáıkes, 24 qańtar kúni qatty aıazǵa baılanysty Shyǵys Qazaqstan oblysynyń Óskemen qalasy men barlyq aýdandarynda 1-11 synyptar aralyǵynda, 1-2 aýysymdar boıynsha sabaq toqtatyldy.
Pavlodar oblysynda da 1-11 synyptar aralyǵynda 1 aýysymdar boıynsha sabaq toqtatyldy.
Tilshiler málimdegendeı, búgin Qaraǵandy, Temirtaý jáne Balqash qalalarynyń 1-11 synyp oqýshylary sabaqqa barǵan joq.
Astana qalasy, SQO jáne Aqmola oblysynyń da 0-11 synyptary búgin úılerinde otyr. Qostanaı mektepterinde 0-9 synyptarǵa sabaq toqtatyldy. Sonmen qatar, Jambyl oblysynyń Moıynqum aýdanynda 15 mekteptiń bastaýysh synyptary sabaqtan bosatyldy.
