Qazaqstannyń saılaý komıssııalary óz qyzmetterin ashyq ári ádil ótkizdi - túrkimenstandyq baıqaýshy
«Biz daýys berý protsesi barysynda Qazaqstan zańnamasynyń qandaı da buzylýshylyqqa jol berilgenin baıqamadyq. Biz bolǵan ýchaskelerdiń barlyǵynda da daýys berý tynysh ótti ári saılaýshylardyń legi de mol boldy. Saılaý ýchaskeleri jaqsy jaraqtanǵan jáne olar óz qyzmetterin ashyq ári ádil ótkizdi», - dedi ol.
Sonymen qatar ol barsha qazaqstandyqtardy Naýryz meıramymen quttyqtap ótti.
«Osy múmkinshilikti paıdalana otyryp baýyrlas Qazaqstan halqyn Naýryz meıramymen quttyqtaǵym keledi. Sizderge beıbitshilik, baq-bereke tileımin!» - dedi A.Ýssaev.
Esterińizge sala keteıik, keshe elimizde QR Parlamenti Májilisi men barlyq deńgeıdegi máslıhat depýtattarynyń saılaýy ótti. QR OSK derekterine sáıkes, oblystyq, Astana jáne Almaty qalalarynyń saılaý komıssııalarynan kelip túsken habarlar boıynsha tizimge engizilgen 9 mln. 810 myń 920 saılaýshynyń 7 mln. 564 myń 281-i saılaý bıýlletenderin aldy. Aldyn ala aqparatqa sáıkes, respýblıka boıynsha tizimge engizilgen barlyq saılaýshylardyń 77,1 paıyzy daýys berýge qatysty. Ótken saılaýlardyń derekterimen salystyrǵanda, bul - rekordtyq kórsetkish.
