Qazaqstannyń saıası jańǵyrý qarqyny OA elderine úlgi bolýda - rýmyn saıasatkeri

ASTANA. QazAqparat - 14 aqpanda Qazaqstannyń Rýmynııadaǵy Elshisi Dáýlet Batyrashev Rýmynııanyń Syrtqy ister mınıstri Teodor-Vıorel Meleshkanýmen kezdesip, eki el arasyndaǵy dıplomatııalyq qatynastar ornatylýynyń 25 jyldyǵyn ústimizdegi jyldyń 15 shildesinde merekeleý týrasynda ekijaqty yntymaqtastyqtyń jáı-kúıin talqylady.

Qazaqstandyq dıplomat Rýmynııanyń syrtqy saıası vedomstvo basshysyn elimizde júrgizilip jatqan bılik tarmaqtary arasynda ókilettikterdi qaıta bólý máseleleri boıynsha Konstıtýtsııalyq reforma týrasynda, Prezıdenttiń «Qazaqstannyń úshinshi jańǵyrýy: jahandyq básekege qabilettilik» atty el halqyna Joldaýynyń negizgi qaǵıdalary týraly, sondaı-aq bes ınstıtýtsıonaldy reformalardy iske asyrý jónindegi Elbasynyń «100 naqty qadam» Ult josparynyń oryndalý barysy jóninde áńgimeledi.

Taraptar aldaǵy ótetin «EKSPO-2017» halyqaralyq mamandandyrylǵan kórmesinde Rýmynııanyń qatysý máselelerin, Qazaqstannyń bastamalaryn, jáne de, eń birinshiden, Qazaqstannyń 2017-2018 jyldardaǵy BUU Qaýipsizdik Keńesindegi turaqty emes  músheligi týrasynda kópjaqty ózara yqpaldastyqty talqylady. 

Teodor Meleshkaný Qazaqstannyń syrtqy saıası qyzmetin sonyń ishinde, Prezıdent Nursultan Nazarbaevtyń halyqaralyq bastamalaryn joǵary baǵalap, olardyń ózektiligi men mańyzdylyǵyn atap ótti. Mınıstr Konstıtýtsııalyq reformalarǵa qatysty pikirin bildire kele,  Elbasynyń usynystary qazaqstandyq qoǵamnyń keleshek demokratızatsııalanýyna daıyndyǵy jónindegi Eýroodaq elderine anyq belgi joldanylyp, bul Qazaqstan men EO arasyndaǵy Keńeıtilgen áriptestik pen yntymaqtastyq týraly kelisim týrasynda aıryqsha ózekti bolyp otyrǵandyǵyn jetkizdi. 

Prezıdent N.Á.Nazarbaevtyń kóregendigin jáne onyń «Qazaqstannyń úshinshi jańǵyrýy» joldaýynyń mańyzdylyǵyn atap ótip. Rýmyn saıasatkeri atap ótkendeı, ekonomıkalyq damýdyń qazaqstandyq modeli men saıası jańǵyrý qarqyny postkeńestik keńistik elderine jáne de eń aldymen, Ortalyq Azııa óńiri elderine úlgi bolýda.