Qazaqstannyń saýda salasy sońǵy 5 jylda 13-15 paıyz ósim kórsetýde
ASTANA. QazAqparat - Qazaqstannyń saýda salasy sońǵy 5 jylda 13-15 paıyz ósim kórsetýde. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Parlamenti Májilisiniń depýtaty Elena Tarasenko málim etti.
Onyń atap ótýinshe, elimizdegi saýda salasy ekonomıkamyzdyń mańyzdy bóliginiń birine aınalyp otyr. Búgingi kúni onyń naqty kólemi 5,3 trln. teńgeni quraıdy.
«Sońǵy 5 jyl boıy elimizdegi saýda kólemi turaqty túrde jyl saıyn 13-15 paıyz ósim kórsetip otyr», - dedi májilis depýtaty.
E.Tarasenkonyń sózine qaraǵanda, 1995-2014 jyldary aralyǵynda bólshek saýda kólemi 40 esege artqan. Sondyqtan da búgingi Úkimettiń basty mindetteriniń biri otandyq azyq-túlik taýarlary naryǵyn keńeıtý úshin barlyq jaǵdaı jasaý bolyp otyr.
