Qazaqstannyń saýda oryndaryndaǵy zergerlik buıymdardyń basym bóligi jasandy bolýy múmkin
ASTANA. QazAqparat - Qazaqstannyń saýda núkteleri men bazarlarynda satylatyn zergerlik altyn buıymdardyń basym bóligi jasandy bolýy múmkin. Bul týraly QazAqparat tilshisine suhbat bergen «Ulttyq saraptama jáne sertıfıkattaý ortalyǵy» AQ baǵaly metalldarmen jumysty úlestirý bóliminiń bastyǵy Erbol Seısenbaev aıtty.
«Biz ókiletti uıym sanalamyz jáne kórsetetin qyzmet spektorymyz óte keń. Kezinde jekeshelendirilgendikten jeke kompanııa sanalamyz. Naryqta basymdyqqa ıemiz. ıAǵnı naryqtaǵy júıe quraýshy kompanııa sanalamyz ári Qazaqstandaǵy metrologııa salasyndaǵy saraptamalar, sertıfıkattaý boıynsha qyzmetterdiń shamamen 70 paıyzyn kórsetemiz», - dedi ol.
Erbol Seısenbaevtyń atap ótýinshe, ótken jyldyń 14 qańtarynan qoldanysqa engen «Baǵaly metalldar jáne baǵaly tastar týraly» zańǵa sáıkes elimizde satylatyn zergerlik buıymdardyń barlyǵy da mindetti túrde tekserýden ótýi tıis.
«Qazirgi ýaqytta sarapta qyzmetin eki uıym, atap aıtqanda, biz jáne «Qazaqıývelır» AQ-y kórsetedi. Altyn men kúmis zergerlik buıymdardyń, sonymen qatar baǵaly tastardyń sapasyn tekserip, synamasynyń sáıkestigin anyqtaımyz. Zergerlik buıymdardy baqylaý olar naryqqa túskenge deıin úsh jerde, naqty aıtqanda elge kirgizilgende jáne shyǵarylǵanda, sonymen qatar óndirilgennen keıin júrgiziledi. Jańa zańnamaǵa sáıkes saraptama satylym barysynda da júrgizilýi múmkin. Ázirshe, bidiń jumysymyzdyń aýqymy úlken emes. Óıtkeni, áli kúnge deıin azamattarymyz tekserýge júginýge daǵdylanǵan joq. Dúkender de zańnamanyń kúshine engenin bile tura bizge kelip tekserý júrgizýge asyǵar emes. Naryq endigi ýaqytta tekseriletin bolady. Buǵan deıin tolyq erkindik bolǵan edi. Taıaýda ǵana jıyn ótip, onda Tehnıkalyq retteý jáne metrologııa komıtetiniń ókilderi taıaý aralyqta tekserýdiń bastalatyndyǵyn aıtqan bolatyn. Degenmen, ol josparly sıpatta emes. ıAǵnı, shaǵym bolǵan kezde ǵana júrgiziledi. Jańa zańda úlken kólemde aıyppul kózdelgen», - dedi Seısenbaev.
