Qazaqstannyń saýda floty bıyl 1,8 mln tonna júk tasymaldady

NUR-SULTAN. QazAqparat – Qazaqstannyń saýda floty bıyl 1,8 mln. tonna júk tasymaldady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetiniń málimetterine silteme jasap.

Baspasóz qyzmeti taratqan derekterge qaraǵanda, 2020 jyldyń 10 aıynyń qorytyndysy boıynsha Aqtaý jáne Quryq teńiz porttary arqyly júkterdi aýystyryp tıeý ótken jyldyń sáıkes kezeńiniń deńgeıinde boldy.

Júk avtokólik quraldaryn aýystyryp tıeýde birshama ósim bar.

Otandyq saýda floty osy kezeńde Kaspıı teńizindegi porttar arasynda 1,8 mln. tonnadan astam júk, onyń ishinde Aqtaý – Baký fıderlik jelisimen 10,6 myń konteıner tasymaldady.

«Іshki sý joldary boıynsha bıylǵy 10 aıda júk tasymaldaý kólemi shamamen 1,44 mln. tonnany qurady. Onyń 233 myń tonnasy Reseı baǵytynda tasymaldandy»,-delingen habarlamada.