Qazaqstannyń sapaly organıkalyq ónimine suranys bar - A. Mamytbekov
Mınıstrdiń sózine qaraǵanda, organıkalyq ónim óndirý Qazaqstannyń agrarlyq salasyndaǵy básekege qabilettiliktiń asa zor múmkindigi.
«Qytaıda byltyrǵy jyly partııanyń sezinde halyqty ekologııalyq taza, organıkalyq ónimmen qamtamasyz etý týraly bastama kóterdi. Qazir olar osy baǵytta Qazaqstannyń naryǵynan óte úlken kólemde ónimderdi jaqsy baǵamen satyp alýǵa daıyn. Sonyń bir dáleli - jaqynda ǵana alǵash ret 60 vagon ósimdik maıy Qazaqstannyń Qytaıdyń ortalyǵynda ornalasqan Sııan qalasyna jóneltildi. Qytaı bul baǵyttaǵy kelisimsharttarǵa qol qoıýǵa múddelilik tanytyp otyr», - dedi A. Mamytbekov.
Onyń aıtýynsha, ótkizý naryqtaryn damytý jónindegi basym mindet - aýyl sharýashylyǵy ónimderin Qytaı naryǵyna eksporttaý.
«Qytaı tarapy Qazaqstannan sapaly organıkalyq aýyl sharýashylyǵy ónimin ımporttaýǵa erekshe kóńil bóletinin udaıy nazarda ustaǵanymyz jón», - dedi vedomstvo basshysy.