Qazaqstannyń Sańyraýlar teatry gastrolge daıyn
ASTANA. 8 maýsym. QazAqparat - Bıyl Qazaqstanda alǵash ret qurylǵan Sańyraýlar teatrynyń gestrolge shyǵýǵa daıyn.
Bul týraly QazAqparat tilshisine suhbat bergen «Sańyraýlar teatry» jobasanyń jetekshisi Aqbala Muhamedqalıeva málimdedi.
Búginde teatr ujymy alǵashqy qoıylym - «Túımeqyz» («Dıýımovochka») spektaklin ázirlep qoıdy. «Qazirgi kezde bizdi Almatyǵa shaqyryp jatyr. Gastroldiń naqty ýaqyty áli belgisiz. Degenmen, aldaǵy ýaqytta bizdiń teatr Almaty qalasyna baryp, ol jerdiń zaǵıp jandary aldynda óner kórsetpek. Endi, shyny kerek, qazir qarjy jaǵynan qıyndyq bolyp jatyr. Áıtpese, biz Qazaqstannyń kez kelgen qalasyna baryp, spektakl qoıyp beretin edik», - deıdi A. Muhamedqalıeva.
Sańyraýlar teatry bıyl aqpan aıynda qurylǵan bolatyn. Búginde teatr quramynda alty ártis bar. Olar - Aıman Júnisbaeva, Áıgerim Aıapbergenova, Jasulan Jasanov, Jasgúl Omarova, Rýslan Ahmetov jáne Elnara Latyfýllına. Qoıýshy-rejıssery - Danııar Malǵajdarov. Horeografy - Irına Omel.
