Qazaqstannyń salyq organdary shetel marketpleısterin qalaı qadaǵalaıdy
«Bul salyqty tóleıtindermen qarym-qatynas ózara senim negizinde júrgiziledi. Biz olardyń ádil jumysyna senemiz. Sonymen qatar, bizde salyq salasyndaǵy baqylaý tetikteri de bar. ıAǵnı, bizge keden organdarynan, poshta uıymdarynan tıisti málimetter kelip túsedi. Osy oraıda qandaı taýarlar bizdiń azamattardyń mekenjaıyna baǵyttalyp jatqanyn kórip otyramyz. Munymen qosa, bul taýarlardy kimder jiberip jatqany týraly málimet bar», - dedi N. Qýandyqov onlaın brıfıng barysynda.
Osy oraıda ol mundaı baqylaý tetigi qyzmet salasynda da bar ekenin aıtty.
«Budan bólek, qyzmet kórsetý salasy boıynsha bizde tıisti baza bar. Bul turǵyda ınternet arqyly qyzmet kórsetetin kompanııalar (sheteldik) qymtylǵan. Atap aıtqanda, osy salaǵa qatysty bizde qadaǵalaý tetigi eskerilgen. Salyq kodeksi salyqtan jaltaryp júrgender týraly málimetti jarııalaý quqyǵyn berip otyr. Sonymen birge, atalǵan kompanııa tirkelgen eldiń salyq qyzmetine hat joldaı alamyz. Mindetterin oryndamaǵan kompanııalardyń saıtyn Qazaqstan aýmaǵynda buǵattaý múmkindikteri de bar», - dedi basqarma basshysy.
Budan buryn habarlanǵandaı, basqarma basshysy ınternet jelisinde Qazaqstan azamattaryna taýar satatyn shetel kompnııalary tóleıtin salyqqa qatysty túsinik berdi.
«Google salyǵy» boıynsha Qazaqstan bıýdjetine 3 mlrd teńge aýdaryldy.
Budan buryn habarlanǵandaı, 2022 jylǵy 1 qańtardan bastap Salyq kodeksiniń Qazaqstan aýmaǵynda ornalasqan jeke tulǵalarǵa satylǵan taýarlary, kórsetilgen qyzmetteri úshin sheteldik ınternet-kompanııalardyń QQS tóleý jónindegi mindettemeleri týraly normalary kúshine endi (Google salyǵy).
Ulttyq ekonomıka mınıstrliginen málim etkendeı, qyzmetteri men taýarlaryn onlaın platformalar arqyly satatyn barlyq sheteldik kompanııalar Qazaqstan bıýdjetine QQS tóleýge mindetti bolady.
Aıta keteıik, QQS mólsherlemesi satylǵan taýarlar men qyzmetter somasynyń 12% quraıdy. Munyń qazaqstandyq salyq tóleýshilerge qatysy joq.
