Qazaqstannyń saqtandyrý naryǵy 9 aıda orta eseppen 25 paıyzǵa ósti -
ALMATY. 22 qarasha. QazAqparat /Erlik Erjanuly/ - Qazaqstannyń saqtandyrý naryǵynyń damýyna alǵashqy jartyjyldyqtaǵy shet elden ákelinetin kólikti tirkeýdegi jeńildik óz yqpalyn tıgizdi.
"NOMAD Inshýrans" saqtandyrý kompanııasynyń Basqarma tóraǵasy Rınat Ahmetıanov búgin Almatyda ótkizgen baspasóz máslıhatynda osyndaı pikir bildirdi.
"Saqtandyrý naryǵy 9 aıda orta eseppen 25 paıyzǵa ósti. Bul bizdiń kompanııada 73 paıyzdy qurady. Alǵashqy jartyjyldyqta avtosaqtandyrýda qarqyndy ósim boldy. Aldyńǵy jyldyń sáıkes kezeńimen salystyrǵanda shet elden kólik ákelý 2 eseden astam ósti. Bul syrttan ákelinetin kólikti tirkeýdegi jeńildikke baılanysty oryn aldy", - deıdi R, Ahmetıanov. Onyń aıtýynsha, buǵan jol polıtsııasynyń avtosaqtandyrý boıynsha júrgizýshilerdiń mindetti saqtandyrý polısin alýyna baılanysty baqylaýdy kúsheıtýi de óz yqpalyn tıgizdi. Avtosaqtandyrý naryǵyndaǵy kóshbasshy kompanııa jetekshisiniń aıtýynsha, olar usynyp otyrǵan kólikti buzylýdan saqtandyrý jónindegi jańa ónimi naryqqa qalaı yqpal etetin boljaý qazir qıyn. Bul týraly tek aldaǵy jartyjyldyqtyń qorytyndysy shyqqan kezde ǵana aıtýǵa bolady.
