Qazaqstannyń sakraldy kartasy eki kitapqa bólinedi - Arystanbek Muxamedıuly

ASTANA. QazAqparat - QR Mádenıet jáne sport mınıstrligi Qazaqstannyń sakraldy kartasyn qyrkúıekte xalyqtyń nazaryna usynýdy josparlap otyr, dep xabarlaıdy QazAqparat tilshisi.

«Biz sakraldy kartany eki bólimnen jasaǵandy jón kórdik. Ol - makrosakraldy jáne mıkrosakraldy kitaptar. Makrosakraldy kitapta tarıxı mańyzy bar 100 nysan bolady. Al mıkrosakraldy kitapta aımaqtyq nysandar toptastyrylady. Oǵan shamamen 500 tarıxı nysandar men kıeli jerler kiretin bolady. Qyrkúıek aıynda biz sakraldy kartanyń alǵashqy danasyn tanystyramyz dep oılaımyn», - dedi mınıstr Arystanbek Muxamedıuly búgin Úkimet úıinde ótken baspasóz máslıxatynda.

Onyń aıtýynsha, qazirgi kezde ǵylymı ekspedıtsııalar aımaqtardy aralap, tyńǵylyqty zertteý jumystaryn jasap jatyr. «Osy ekspedıtsııalar barysynda jańa derekter de ashylýda»,- dep atap kórsetti Muxamedıuly.