Qazaqstannyń respýblıkalyq mańyzy bar joldarynda «kóktaıǵaq» eskertý-úndeýi jarııalandy - QR IDM
ASTANA. QazAqparat - Aqmola, Qostanaı jáne Qaraǵandy oblystarynda qolaısyz aýa raıy, ıaǵnı qar jaýýy, temperatýranyń kúrt tómendeýi jáne kóktaıǵaq saqtalady.
Osyǵan baılanysty respýblıkalyq mańyzy bar jalpy uzaqtyǵy 23 696 shaqyrymdyq avtojoldarda 2015-2016 jyldary olardy qysta kútip ustaý josparyna sáıkes «kóktaıǵaq» atty úndeýi jarııalandy. Osy shara aıasynda avtojoldarǵa ýaqtyly qum shashý, avtokólikterdiń qysqa merzimde qaýipsiz jáne úzilissiz qozǵalysyn jáne joldardaǵy jaǵdaı boıynsha aqparatty jedel jınaý qamtamasyz etilýi tıis. Qazirgi ýaqytta respýblıkalyq mańyzy bar avtojoldarda avtokólikterdiń qozǵalysyn shekteý engizilgen joq.
«Qazaqavtojol» RMK-nyń kúshimen respýblıkalyq mańyzy bar avtojoldardyń jalpy uzaqtyǵy 1250 shaqyrymdyq qar ustaıtyn ýchaskelerinde patrýldeý, kólik ótetin jol tabanyn qardan tazartý jumystary jasalýda, qar tosqaýyldary men «taıǵanaq jol» degen ýaqytsha jol belgileri ornatyldy. Sonymen qatar respýblıkalyq mańyzy bar avtojoldardaǵy asýlar, joldardyń kóteriler, túser tustaryna, qıylystar jáne apatty-qaterli ýchaskelerine kóktaıǵaqqa qarsy qosymsha materıaldar sebilýde. Jalpy bul jumystarǵa avtogreıder jáne «Kamaz», «Reno» jáne «ZIL» avtomashınalar bazasynda jasaqtalǵan jol mashınalary, 200-ge jýyq jol-paıdalaný tehnıkasy jumyldyryldy.
Respýblıkalyq mańyzy bar avtoldardy qysqy jaǵdaıda kútip-ustaý úshin óndiristik bazalar, jylytý beketteri ázirlenip, kómir, qum, tuz daıyndaldy, sonymen birge janar-jaǵarmaıdyń eki aptalyq tómendetilmeıtin qory qamtamasyz etildi. Qar tazalaıtyn barlyq tehnıka jumysqa jaramdy qalpynda ustalýda, dep habarlaıdy QR IDM baspasóz qyzmeti.
