Qazaqstannyń respýblıkalyq mańyzy bar barlyq joldary ashyq

Bul týraly búgin «Qazaqavtojol» RMK-nyń baspasóz qyzmetinen habarlandy.

Atap aıtqanda, Almaty oblysy aýmaǵyndaǵy boranǵa baılanysty 21 qańtarda "Úsharal-Dostyq" jolynyń 0-184 shaqyrymy aralyǵynda jol jabylǵan bolatyn. Budan bólek, keshe saǵat 21.40-tan beri "Saryózek-Kóktal" jolynyń 45-65 shaqyrymynda da kólik qozǵalysyna shekteý engizgen edi. Búgin tańerteń bul eki jolda da kólik qozǵalysy jandandy.

Al Shyǵys Qazaqstan oblysynda keshe "Óskemen-Zyrıan-Rahman qaınarlary" jolynyń 6-166 shaqyrymyndaǵy "Ýshanov aýyly-Zyrıan qalasy" Aralyǵynda jol jabylǵan bolatyn. Bul jol búgin saǵat 09.30-dan bastap ashyldy.

Sonymen qatar 21 qańtar saǵat 10.30-dan bastap "Óskemen-Shemonaıha-RF shekarasy" jolynyń 54-123 shaqyrymyndaǵy "Pervomaıka a.-RF shekara" aralyǵynda da kólikterdiń jolǵa shyǵýyna tyıym salynǵan edi. Búgin saǵat 07.30-dan bastap kólik qozǵalysy jandandy.