Qazaqstannyń respýblıkalyq etnomádenı birlestikteri ótken prezıdent saılaýy qorytyndylaryna qoldaý bildirdi
ANA. 6 sáýir. QazAqparat - Ótken saılaý Prezıdenttiń Qazaqstan halqynyń ál-aýqatynyń artýy men ósip órkendeýine baǵyttalǵan saıası jáne ekonomıkalyq saıasatyna búkilhalyqtyq qoldaýdyń aıshyqty jáne salmaqty dáleli boldy.
Qazaqstannyń respýblıkalyq etnomádenı birlestikteriniń ótken prezıdent saılaýy qorytyndylaryn qoldaý jónindegi málimdemesinde osylaı delingen.
Elimizdegi etnomádenı birlestikter saılaý qorytyndylaryna qoldaý bildire otyryp Nursultan Ábishulyn Memleket basshysy laýyzymyna saılanýymen quttyqtaıdy.
"Bul saılaý qorytyndalary shynaıy ári zańdy, halyqtyń aıqyn basym kópshiliginiń erik-jigerin bildiredi, sondaı-aq elimizdiń ishki jáne syrtqy saıasatynda Prezıdenttiń basshylyǵymen qol jetkizilgen tolaıym tabystarǵa negizdelgen.
Bizdiń elimizde etnostardyń, mádenıetterdiń túrli dinı senimdegi adamdardyń birge beıbit ómir súrýiniń baı tájirıbesi qalyptasqan. Osy erekshe tájirıbe bizdiń birligimizdiń qaınar kózi bolyp tabylady. Júrgizilip otyrǵan saıasat Qazaqstanda turatyn barlyq etnostardyń dástúrin, mádenıetin jáne tilderin jańǵyrtýǵa jáne damytýǵa qajetti barlyq jaǵdaılardy jasaýda.
Saılaý nátıjesi Qazaqstan halqynyń birligin, sondaı-aq eldiń táýelsizdik, bostandyq, turaqtylyq jáne toleranttylyq uǵymdarynan turatyn basty qazaqstandyq qundylyqtardy qoldaıtyndyǵyn dáleldep berdi. Óziniń jaýapkershiligi men saılaýdyń Qazaqstan úshin mańyzyn sezine otyryp etnomádenı birlestikter ókilderi Prezıdentti qoldaý jónindegi «Biz Qazaqstan halqymyz!» atty jalpyrespýblıkalyq elektoraldyq aktsııasyn barlyq oblys ortalyqtarynda ótkizdi.
Nursultan Ábishuly Narzarbavtyń kandıdatýrasyn qoldaı otyryp biz ulttyq kelisim úlgisin kósettik, el birligin nyǵaıta tústik jáne halyqtyń aıqyn basym kópshiliginiń saıası erik-jigerin bildirdik dep senemiz.
Biz óz taǵdyrymyzǵa qatysty erikti túrde tańdaý jasadyq.
Biz bul sheshimimizdiń memlekettiń bolashaqta turaqty damýy, elimizdiń álemdik básekege qabilettiligi, sondaı-aq halqymyzdyń ál-aýqatynyń artyp, ósip-órkendeýi úshin mańyzdy ári qajet ekenine tolyq senimdimiz», - deıdi respýblıkalyq etnomádenı birlestikteri óz málimdemesinde.
