Qazaqstannyń Reseıge eksporty 28 paıyzǵa qysqardy - Ekonomıkalyq damý jáne saýda vıtse-mınıstri
ALMATY. 13 shilde. QazAqparat - Qazaqstannyń Reseımen taýar aınalymynda bıyl keri qozǵalys júrip jatyr. Bul jaıly QR Ekonomıkalyq damý jáne saýda vıtse- mınıstri Tımýr Jaqsyqov búgin Almatyda ótip jatqan mınıstrlik janyndaǵy Ekonomıkalyq yqpaldastyq máseleleri boıynsha jedel shtabtyń alǵashqy otyrysynda aıtty.
«2011 jyly syrtqy saýda 38 paıyzǵa ósip, 126 mlrd. dollardy qurady. Taýar aınalymynyń ósýi eksport pen ımporttyń ulǵaıýymen qoldaý tapty. Bul úrdis bıyl da óz jalǵasyn tabýda. Alaıda, Reseımen taýar aınalymy bıyl 4,4 paıyzǵa qysqardy. Ol qazaqstandyq eksporttyń qysqarýyna baılanysty. Statıstıkalyq derekterge qaraǵanda, Qazaqstannyń Reseıge eksporty 28 paıyzǵa qysqardy. Ol naqty taýarlardy shyǵarýǵa baılanysty», - deıdi T.Jaqsylyqov.
Onyń aıtýynsha, Reseıge eksporttalatyn temir keni kontsentraty 161 mln. dollarǵa nemese 40 paıyzǵa qysqarǵan. Sondaı-aq kómir kólemi de aıtarlyqtaı azaıǵan. Osyǵan qaramastan bul taýarlar tobynda jalpy eksport ósýde. Qazir Qazaqstan eksportynyń Qytaıǵa qaıta baǵyttalýy júrip jatyr. Ol qytaılyq ımporterdiń reseılikterge qaraǵanda qolaıly baǵa usynýynan týyndap otyr. Qazir olar jan-jaqty taldanýda. T
ımýr Jaqsyqovtyń sózine qaraǵanda, Qazaqstandaǵy Reseı ımporty birinshi toqsanda 12 paıyzǵa ósti. Onda qubyrlar 11 ese, avtomobılder 4,2 ese, temir jol vagondary 3,6 ese artqan.
