Qazaqstannyń Reseıdegi Elshisi jerles stýdenttermen kezdesti
p; Qarashanyń 10-y. QazAqparat /Narymbek Ysmaǵulov/ - Qazaqstannyń Reseıdegi Tótenshe jáne Ókiletti Elshisi Zaýytbek Turysbekov ótken beısenbi kúni Máskeýde Reseıdiń Іshki ister mınıstrliginiń Máskeý ýnıversıtetinde oqyp jatqan qazaqstandyq stýdenttermen kezdesti,
dep habarlady Qazaqstan Elshiliginiń baspasóz qyzmetinen.
Dıplomatııalyq mıssııa basshysy jınalǵan qaýymǵa elshiliktiń jumysy týraly áńgimelep berdi jáne qazaqstan-reseı qarym-qatynastarynyń negizgi baǵyttarymen tanystyrdy. Stýdentter óz kezekterinde, turaqty kórsetilip otyrǵan qoldaýy úshin elshige jáne elshilikke alǵystaryn bildirdi. Qonaqtar Zaýytbek Turysbekovtyń Qazaqstannyń Іshki ister mınıstri kezinde ishki ister organdary qyzmetkerleriniń kásibı daıyndyǵyna qosqan erekshe úlesterin atap ótti.
Esterińizge sala keteıik, Qazaqstannyń ishki ister organdarynyń qyzmetkerlerin Reseı ІІM oqý oryndaryna oqýǵa jiberý týraly Qazaqstan men Reseıdiń ishki ister mınıstrlikteri basshylyǵynyń arasyndaǵy kelisimge 2005 jyly qol jetkizilgen bolatyn. Vedomstvolyq oqý oryndarynyń birinshi jáne ekinshi kýrs tyńdaýshylarynyń arasynda ótken qatań konkýrstyq irikteýden keıin, Reseıde oqyǵysy keletin jáne Ulttyq biryńǵaı testileý boıynsha joǵary balǵa ıe, sondaı-aq úlgerimi úzdik ishki ister organdarynyń 75 qyzmetkeri Reseı Іshki ister mınıstrliginiń oqý oryndaryna jiberilgen bolatyn.
Sondaı-aq 2005 jyly shet elderge oqıtyn kadrlardy irikteý jónindegi respýblıkalyq komıssııanyń sheshimimen 12 jas qazaqstandyqqa Reseı ІІM Máskeý ýnıversıtetinde oqý úshin QR Prezıdentiniń «Bolashaq» halyqaralyq stıpendııasy taǵaıyndalǵan edi.
