Qazaqstannyń Reseıdegi elshisi saılaýǵa birinshi ret qatysyp otyrǵan jastarǵa eskertkish syılyqtar tabys etti
MÁSKEÝ. 3 sáýir. QazAqparat /Narymbek Ysmaǵulov/ - Búgin elimizde ótip jatqan QR Prezıdentiniń kezekten tys saılaýyna baılanysty Qazaqstannyń Reseı elshiligi janyndaǵy №143-shi saılaý ýchaskesinde dıplomatııalyq ókildik basshysy Zaýytbek Turysbekov saılaýǵa birinshi ret qatysyp otyrǵan jastarǵa eskertkish syılyqtar tabys etti.
Máskeý memlekettik ken ýnıversıtetiniń stýdenti Kırıll Kondratenko men Halyqtar dostyǵy Reseı ýnıversıtetiniń stýdenti Dınara Sádýaqasova eskertkish pannoǵa ıe boldy. Stýdentter dıplomatııalyq ókildik basshylyǵyna alǵystaryn bildire kele, búgingi saılaýdyń jastarǵa úlken jaýapkershilik júktep otyrǵanyn atap kórsetti.
