Qazaqstannyń Reseıdegi Elshiligi Uly Otan soǵysy jáne eńbek ardagerleriniń qatysýymen qabyldaý ótkizdi

MÁSKEÝ. 9 mamyr. QazAqparat - Máskeýde Uly Jeńis merekesiniń qarsańynda Qazaqstannyń Reseıdegi Elshiligi basshylyǵynyń ardagerlermen kezdesýi bolyp ótti.

Sharaǵa qazaqstandyq ardagerler, sondaı-aq Máskeý qalasyndaǵy Brateevo aýdanynan Uly Otan soǵysyna qatysýshylar qatysty. Osyǵan oraı Elshiliktiń rezıdentsııasynda merekelik dastarhan ázirlendi.

 Kezdesý barysynda ardagerler túrli maıdandarda shaıqassa da, bir ıdeıa men bir tilekpen barlyǵy birge alǵa jyljyp, Uly Jeńisti jaqyndatqandaryn aıtty. Urys dalasynda máńgilikke qalǵan dostaryn eske aldy.

 Ardagerlerdi Qazaqstannyń Reseıdegi Tótenshe jáne Ókiletti Elshisi Ǵalym Orazbaqov quttyqtady.

Dıplomatııalyq mıssııa basshysynyń aıtýynsha, burynǵy Keńes Odaǵynyń astanasy Máskeýde qazaqstandyq batyrlar (Keńes Odaǵynyń Batyrlary Baýyrjan Momyshuly men Álııa Moldaǵulova) atyndaǵy mektepterdiń jumys istep otyrǵany óte mańyzdy ekenin jetkizdi. Elshi astanalyq Brateevo ardagerlerine qazaqstandyq taraptyń bul aýdanda salynyp jatqan metro stansasynyń «Almatylyq» dep atalý bastamasyn qoldaǵandary úshin rızashylyǵyn bildirdi.

«Sizderge zor densaýlyq, uzaq ómir jáne amandyq tileımin!», - dedi Elshi ardagerlerge arnaǵan sózinde.