Qazaqstannyń reprodýktıvti jáne jynystyq densaýlyq qaýymdastyǵy eki jobany iske asyrdy
Atalǵan uıym bıyl eki joba - «Ana men bala» jáne «Reprodýktıvti densaýlyq mektepterin qurýdy» qolǵa alyp, birqatar is-sharalardy atqardy. Atap aıtqanda, respýblıkanyń 14 oblysy, Astana jáne Almaty qalalarynda bedeýlikti emdeý men anyqtaýǵa arnalǵan trenıngter uıymdastyryldy. Gınekolog pen ýrolog mamandar óz sheberlikterin shyńdasa, el azamattary jynystyq qatynas jáne ol arqyly taralatyn asa qaýipti aýrýlar týraly jan-jaqty aqparat aldy. Sondaı-aq áleýmettik sala qyzmetkerleri otbasyn qurý jáne kontratseptsııa negizderi boıynsha kásibı biliktilikterin kóterdi.
Negizi, QR Densaýlyq saqtaý mınıstrligi úkimettik emes uıymdardyń qatysýymen «Ana men bala» jáne «Reprodýktıvti densaýlyq mektepterin qurý» sııaqty áleýmettik jobalardy jyl saıyn iske asyryp, tıisti sharalardy atqaryp otyrady. Ondaı jumysqa el bıýdjetinen 140 mln. teńge bólinedi.
