Qazaqstannyń reaktıvti otshashar bólimsheleri dalalyq jıyn ótkizdi

ASTANA. QazAqparat - «Bereg» polıgonynda «Reaktıvti jaıaý ásker otshasharlaryn qoldaný qaǵıdalary» taqyrybynda QR Qarýly kúshteri Qurlyq áskerleri otshashar bólimsheleriniń oqý jıyndary aıaqtaldy, dep habarlaıdy QR Qorǵanys mınıstrliginiń baspasóz qyzmeti.

Dalalyq jaǵdaılarda jıynǵa qatysýshylar atysty bastaý shebine jasyryn túrde qozǵalýdy, oqý jaýyngerlik jaǵdaıdyń ártúrli jaǵdaılarynda nysanany tańdaý, basyp alý jáne shyǵarýdy pysyqtady.

Іs-shara barysynda áskerı qyzmetshiler taktıkalyq normatıvterdi zerdelep, RPO-A reaktıvti jaıaý ásker otshasharlaryn qoldanýdyń negizgi qaǵıdattaryn meńgerip, sondaı-aq, praktıkalyq oq atýlardy oryndady. Qazirgi ýaqytta otshashar tasalanǵan atys núktelerin, jeńil brondalǵan tehnıka men qarsylastyń jandy kúshin joıý úshin arnalǵan jeke qarýdyń qýatty túrleriniń biri bolyp tabylady. Onyń mańyzdy jaýyngerlik artyqshylyǵy artıllerııa men armııalyq avıatsııany qoldaný tıimsiz bolǵan kezde qoljetimsiz nysandardy joıý múmkindiginen negizdelgen. Otshashardyń áreket etý qaǵıdaty joǵary qysym jáne joǵary temperatýralyq alańmen joıqyndaý aıasyn qurýda negizdelgen.