Qazaqstannyń Premer-Mınıstri Sankt-Peterborǵa ushyp ketti
ASTANA. 18 qazan. QazAqparat /Qanat Qulshymanov/ - Qazaqstannyń Premer-Mınıstri Kárim Másimov TMD Úkimet basshylary keńesiniń, EýrAzEQ memleketaralyq keńesiniń jáne Úkimet basshylary deńgeıindegi Keden odaǵy Joǵarǵy organynyń otyrystaryna qatysý úshin Sankt-Peterborǵa ushyp shyqty.
Seısenbi, 18 qazanda, tústen keıin K.Másimov TMD Úkimet basshylary keńesiniń shaǵyn jáne keńeıtilgen quramdaǵy otyrystaryna qatysady. Kezdesýler barysynda Dostastyq úshin mańyzdy birqatar máselelerdi qarastyrý josparlanyp otyr, onyń ishinde erkin saýda aımaǵy týraly Kelisimdi daıyndaý barysy, TMD ekonomıkalyq damýynyń 2020 jylǵa deıingi Strategııasynyń ekinshi satysyn júzege asyrý boıynsha sharalar jospary bar.
Kelesi kúni, 19 qazanda, EýrAzEQ Memleketaralyq keńesiniń otyrystarynda álemdik qarjy daǵdarysynyń zardaptaryn eńserýge baǵyttalǵan birlesken sharalar josparynyń oryndalýy, sonymen qatar qoǵamdastyqtyń jańa organy - EýrAzEQ sotyn qurý máselesi qaralady.
Úkimet basshylary deńgeıindegi Keden odaǵy Joǵarǵy organynyń otyrystary barysynda Biryńǵaı ekonomıkalyq odaq qurý týraly deklaratsııa jobasyn qaraý, Keden odaǵy Komıssııasy týraly kelisim jobasynyń kelisilý barysy jáne ózge de máseleler talqyǵa salynbaq.
