Qazaqstannyń Premer-Mınıstri qurylysshylardy salynatyn ǵımarattardyń sapasyn jaqsartýǵa shaqyrdy
ASTANA. 9 tamyz. QazAqparat - Búgin Astanada Qurylysshy kúnine arnalǵan merekelik jınalysta sóılegen quttyqtaý sózinde QR Premer-Mınıstri Serik Ahmetov qurylys salasynyń qyzmetkerlerin salynatyn ǵımarattardyń sapasyn jaqsartýǵa shaqyrdy.
«Ótken jyly biz qurylysqa memlekettik lızentsııalardy sanattarǵa bóldik, jobalaý, avtorlyq jáne tehnıkalyq qadaǵalaý salasyndaǵy sarapshylardyń jeke jaýapkershiligin engizdik, bul jobalaý jáne qurylys-montaj jumystarynyń sapasyn jaqsartary sózsiz. Endi qurylystaǵy tehnıkalyq retteý júıesin reformalaý, eýrokod engizý jáne qurylysta basqa da halyqaralyq standarttardy engizý jónindegi jumysty jalǵastyrý qajet», - dedi S.Ahmetov.
Sonymen birge, Premer-Mınıstr jobalardy saraptaý jóninde sarapshylyq qyzmetti reformalaýda biraz jumys atqarylýy tıis ekenin atap kórsetti. Onyń aıtýynsha, qyzmettiń bul túrin naryqtyq ortaǵa berýdi oılastyrý kerek shyǵar.
