Qazaqstannyń poshta qyzmetkerleri smartfondarmen jabdyqtalady
ASTANA. QazAqparat - Qazaqstandaǵy qalalyq jáne oblys ortalyqtaryndaǵy poshta qyzmetkerleri smartfondarmen qamtamasyz etiledi. Bul týraly búgin Ortalyq kommýnıkatsııalar qyzmetindegi brıfıngte «Qazposhta» AQ basqarma tóraǵasy Baǵdat Mýsın málim etti.
«Smartfon ne úshin kerek? Biz poshta qyzmetkerine berilgen smartfonǵa tapsyrystar týraly málimetti jiberip otyramyz. Sonymen qatar ol zatty jetkizgendigi týraly derekterdi belgileıtin bolady. Atap aıtqanda, smartfonmen birge arnaıy prınterdi de beremiz. Ol arqyly poshta qyzmetkeri túbirtekterdi basyp shyǵarady. Poshta qyzmetkeri kommýnaldyq qyzmetterge jáne basqa da qyzmet túrlerine tólemderdi qabyldaı alady», - dedi B.Mýsın.
