Qazaqstannyń poshta qyzmeti salasynda 80-nen astam kompanııalar men baılanys operatorlary jumys jasaıdy
; ALMATY. Qazannyń 8-i. QazAqparat /Erlik Erjanuly/ - Almaty poshtamty Qazaqstan poshtasynyń qazirgi zamanǵy deńgeıin kórsete alady. Bul búgin Almatyda poshta qyzmetkerleriniń kásibiı merekesine arnalǵan saltanatty jıynda aıtyldy.
"Osydan tura 1,5 ǵasyr buryn Qazaqstanyń poshta salasynyń negizi qalandy. Qazirgi tańda bul salada 80-nen astam kompanııalar men baılanys operatorlary jumys jasaýda. Árıne olardyń ishinde ulttyq deńgeıdegi "Qazposhta" AQ erekshe ról atqaryp otyr. Onyń eldiń barlyq aımaǵynda 3,5 myń poshta baılanysy bólimshesi bar. Olar qala men aýyldyq eldi-mekenderde de árqıly salalar boıynsha turǵyndarǵa qyzmet kórsetip keledi", dedi QR Baılanys jáne aqparat mınıstriniń jaýapty hatshysy Qaırat Ábsattarov. Onyń aıtýynsha, Almaty poshtamty Qazposhtanyń eń tabysty bólimsheleriniń biri bolyp otyr. Ol Qazaqstan poshtasyn qazirgi zamanǵy ozyq deńgeıde kórsete alady.
