Qazaqstannyń polıtsııa qyzmetkerleri mobıldik alkotesterlerdi paıdalanady

ASTANA. 12 qarasha. QazAqparat - QR ІІM polıtsııa qyzmetkerlerine mobıldik alkotesterlerdi paıdalanýdy júktemek. Bul týraly búgin Úkimet otyrysynda QR Іshki ister mınıstri Qalmuhanbet Qasymov aıtty.

«Bul sharalar qyzmet etý ornynan alystamaı kólikti mas kúıinde basqarǵan júrgizýshilerdi jedel anyqtaýǵa múmkindik beredi jáne osyndaı mas júrgizýlerdi kýálandyrýǵa jumsaǵan ýaqytty aıtarlyqtaı tómendetedi. Osyǵan oraı quqyqtyq negiz bar», - dedi mınıstr. Bul turǵyda vedomstvo basshysy jergilikti jerlerde bul alkotesterlerdi alý úshin ákimderdiń polıtsııaǵa járdemdesýin surady. Esteńizge sala keteıik, 11 qazanda ótken Úkimettiń keńeıtilgen otyrysynda Memleket basshysy Nursultan Nazarbaev birqatar mınıstrlikter men vedomstvolardyń ǵana emes, sonymen qatar jalpy Úkimettiń de jumysyn qatań synǵa aldy. Qazaqstan Prezıdenti Nursultan Nazarbaev Іshki ister mınıstri Qalmuhanbet Qasymovqa jolda adam ólimine sebep bolǵan kólik júrgizýshilerin jazalaýdy qataıtý týraly tapsyrma berdi. «Biz júrek-qan tamyrlary aýrýlary saldarynan ajal qushqandar sany boıynsha birinshi orynda, JKO saldarynan mert bolǵandar sanynan ekinshi oryndamyz. Ótken jyly joldarda 2 145 adam qaza tapty. Bıylǵy toǵyz aı ishinde 2 273 adam qaza taýyp, 22 myń adam jarymjan bolyp qalǵan. Demek talapty kúsheıtý qajet. Rýlge mas kúıinde otyrǵan júrgizýshini men buny qasaqana jasap otyrǵan qylmysker dep bilem. Ony zańnyń barlyq qatań talaptary boıynsha jazalaý kerek nemese buǵan qatysty zańdardy kúsheıtý kerek», - dep jalǵastyrdy Prezıdent ІІM basshysyna Qaýipsizdik keńesimen birge osy máseleni qarastyrýdy tapsyryp.