Qazaqstannyń polıtseıleri eskertýsiz qarý qoldaný quqyǵyn ıelenýi múmkin
ASTANA. 13 aqpan. QazAqparat - Qazaqstannyń polıtseıleri eskertýsiz qarý qoldaný quqyǵyn ıelenýi múmkin. Bundaı norma «Qazaqstan Respýblıkasynyń ishki ister organdary týraly» zań jobasynyń jańa redaktsııasynda engizilip otyr. Búgin atalǵan qujatty Májiliste Іshki ister mınıstriniń orynbasary Erlik Kenenbaev tanystyrǵan bolatyn.
Zań jobasynyń túsindirme jazbasyna qaraǵanda, ishki ister organdary qyzmetkerleriniń qarýdy eskertýsiz qoldaný quqyǵy eger olardyń ómirine tikeleı qaýip tóngen jaǵdaılarda qarastyrylady. Jobadaǵy jańa normalarǵa sáıkes, bundaı jaǵdaıda ishki ister qyzmetkerlerine atys qarýymen qosa gaz qarýyn, elektrlik qarýdy, sýyq qarýdy, temir jáne laqtyratyn qarýdy qoldanýǵa quqyq berilýi múmkin.
Budan bólek, zań jobasyna sáıkes, Qazaqstanda travmatıkalyq qarý túrleri 2014-2016 jyldary aınalystan alynatyndyǵy kórsetilgen. Qujatta sondaı-aq, quqyq qorǵaý organdarynyń qarý satyp alý quqyǵy bekitiledi, qajet bolǵan jaǵdaıda qarýdyń basqa da túrlerin paıdalaný quqyǵy beriledi.
Sonymen qatar, munaıgaz jáne atom salasynda jumys isteıtin ulttyq kompanııalardyń kúzet mekemelerine uzyn uńǵyly nemese qysqa uńǵyly qarý satyp alýǵa jáne paıdalanýǵa ruqsat etiledi. Bul baǵyttaǵy arnaıy normalar «Kúzet qyzmeti týraly» zańyna ózgerister engizý arqyly júzege asyrylatyn bolady.
