Qazaqstannyń palýan qyzy Ázerbaıjan týrnırinde «qola» medal enshiledi
ASTANA. QazAqparat – Qazaqstannyń kúresten áıelder quramasy Bakýde 25- 27 shilde aralyǵynda ótken «Golden Gran-prı» týrnıriniń aqtyq synynda óner kórsetýdi támamdady, dep habarlaıdy Sporttyq kúres pen kúshtik sport túrleri konfederatsııasynyń baspasóz qyzmeti.
«Bizdiń komanda Ázerbaıjan astanasynan qola medal oljalap ketip barady: Juldyz Áshimova (53 keli) óz júldesin kúressiz enshiledi. Qarsylasy jergilikti sportshy Patımat Bagomedova munyń aldyndaǵy tartysta jaraqat alyp, kishi fınalda óner kórsetýden bas tartty», - delingen habarlamada.
Qalǵan qyzdarymyz úshinshi oryn úshin kúreste jeńilis tapty. Atap aıtqanda, Tatıana Amanjol (48 keli) japon ıÝkı Irıege - 10:13, Merýert Dynbaeva (55 keli) men Gıýzel Manıýrova (75 keli) belarýstyq palýandar Katerına Gankar (3:13) men Vasılısa Marzalıýkqa (3:8) jol berdi.
