Qazaqstannyń ózen-kólderinde táýlik ishinde 4 adam sýǵa ketti
ASTANA. QazAqparat - Qazaqstannyń ózen-kólderinde bir táýliktiń ishinde 4 adam sýǵa ketti, dep habarlady QR ІІM TJD komıtetiniń resmı ókili Rýslan Imanqulov.
Máselen, 25 maýsymda saǵat 19.30-da Pavlodar oblysynyń Baıanaýyl aýylynda qutqarýshylar kúzetpeıtin Sabyndykól kóline sýǵa shomylý kezinde 1968 jylǵy er adam sýǵa ketti. 19.40-ta er adamnyń denesin kýágerler sýdan shyǵaryp aldy.
Atyraýda 25 maýsymda Jaıyq ózeninde qutqarýshylar kúzetpeıtin alapta balyq aýlaý kezinde 1970 jyly týǵan er adama sýǵa batyp ketti. 21:10-da er adamnyń denesi QR ІІM TJK Batys óńirlik aeromobıldik jedel-qutqarý jasaǵynyń kúshimen sýdan shyǵaryldy.
25 maýsymda saǵat 21.40-ta Shyǵys Qazaqstan oblysy Aıagóz aýdanynyń Shyńqoja aýylynda qutqarýshylar kúzetpeıtin Talovka ózeninde ata-anasynyń qaraýynsyz qalǵan 2014 jyly týǵan bala oınap júrip, abaısyzda sýǵa qulap ketti. Balanyń denesin kýágerler saǵat 19.45-te sýdan shyǵaryp aldy.
Budan buryn habarlanǵanndaı, 25 maýsymda saǵat 11.20-da Petropavl qalasy mańynda qutqarýshylar kúzetpeıtin alapta Esil ózeninde shomylyp júrgende 2007 jylǵy qyz bala sýǵa ketti.
