Qazaqstannyń ósimdik maıy Qytaı naryǵyn shyǵarylady
Kásipkerler palatasy azyq-túlik komıteti hatshylyǵynyń basshysy Erbol Eseneevtiń aıtýynsha, búgingi deıin Qazaqstannan maı eksporty negizinen shıkizat túrinde jóneltilip kelgen bolatyn. Qytaılyq óńdeýshiler raps, kúnbaǵys, soıa tuqymyn alyp, ony óńdep, ónim alatyn.
«Endi Qazaqstannyń tarıhynda alǵash ret 2 myń tonna maı jóneltkeli otyrmyz. Bul árıne áldeqaıda tıimdi. Máselen, biz buǵan deıin tuqymdy negizinen Qytaıǵa ortasha quny kelisine 100-125 teńgeden eksporttasaq, maıdyń kelisi 300-315 teńgeden aınalady», - deıdi ol. Onyń aıtýynsha, atalǵan ónim búgingi kúni Almaty qalasynda 88 konteınerge tıelgen, naýryzdyń 20-syna qaraı temirjol quramymen jóneltilý úshin daıyn tur.
«Qytaı Qazaqstannan ósimdik maılaryn jetkizilip turýyna múddeli. Óıtkeni, sońǵy ýaqytta olardyń naryǵynda osy ónimdi tutyný artyp otyr. Sonymen qatar, qazaqstandyq ónim óziniń dámdik sapasymen, tazalyǵymen, ekologııalyq qunarlylyǵymen erekshe. Sol úshin de Qytaıda Qazaqstannyń maıy premıým-klassqa jatady, baǵasy da 10-15 paıyzǵa joǵary. Sonymen qatar, qytaılyq kompanııalar ózderiniń óndirisin Qazaqstanda uıymdastyrýǵa da qyzyǵýshylyq tanytady. Máselen, bıyl olar Soltústik Qazaqstan oblysynan raps maıyn óndiretin zaýyt salýdy bastap, kelesi jyly onyń ónymyn óz naryqtaryna satýǵa qyzyǵyp otyr», - deıdi E. Eseneev.