Qazaqstannyń órtke qarsy qyzmetteriniń 3 mamany kadrlyq rezervke engizilmek
ASTANA. 11 shilde. QazAqparat - QR Prezıdenti janyndaǵy joǵary attestatsııalyq komıssııasynan kezekten tys attestattaýdan ótken memlekettik órtke qarsy qyzmet organdarynyń 20 qyzmetkeri ishinen 16-sy ózderiniń atqarǵan qyzmetine laıyqty ekenin dáleldeı aldy.
Bul týraly búgin Astanada QR Tótenshe jaǵdaılar mınıstrliginiń ujymy men Májilis depýtattarynyń kezdesýi barysynda QR TJM Kadrlyq qamtamasyz etý departamentiniń dırektory Erjigit Qultaev málim etti.
Onyń sózine qaraǵanda, joǵary attestatsııalyq komıssııa 3 qyzmetkerdi joǵary turǵan laýazymǵa jyljytý aıasynda kadrlyq rezervke engizýdi usyndy. Al 13 qyzmetker atqarǵan qyzmetine sáıkes keledi dep tanyldy.
«Eki qyzmetker atqarǵan qyzmetine sáıkes kelmeıdi dep tanylyp, qyzmetinen tómendetýge usynyldy. Sonymen qatar atqarǵan qyzmetine laıyqty emes dep belgilengen 2 qyzmetkerdi basqa qyzmetke aýystyrýǵa usynys berildi»,-dedi E. Qultaev.
