Qazaqstannyń ortalyǵy men soltústiginde jańbyr jaýyp, jel kúsheıedi - 13 sáýirge arnalǵan aýa raıy boljamy
ASTANA. 12 sáýir. QazAqparat - Qazaqstannyń soltústik aýdandary men ortalyǵyndaǵy aýa raıy atmosferalyq bólikterdiń ótýimen 13 sáýir kúni turaqsyz bolyp, jańbyr jaýady, jel kúsheıedi, dep habarlaıdy Qazgıdrometke silteme jasaǵan TJM-niń baspasóz qyzmetinen.
Respýblıkanyń qalǵan aýmaǵynda antıtsıklonnyń yqpalymen aýa raıy jyly, eldiń batysy men ońtústiginde - ystyq bolady.
Mańǵystaý, Soltústik Qazaqstan, Aqmola, Pavlodar oblystarynda, kúndiz Aqtóbe oblysynda keıbir jerlerde jel 15-20 m/s-qa deıin kúsheıedi.
Almaty oblysyndaǵy Jalańashkól stansysynyń aýdanynda 15-20 m/s-ke deıingi ekpinde jel turady.
Batys Qazaqstan, Qostanaı, Qaraǵandy oblystarynda túnde jáne tańerteń tuman túsedi.
Jaqyn táýlikterde Ertis, Buqtyrma ózenderinde muz erip, seń júrý jalǵasady, muz keptelisteriniń bolýy, sý deńgeıleriniń kóterilýi múmkin. Jaıyq (BQO aýmaǵynda), Esil (SQO aýmaǵynda) ózenderinde, Batys Qazaqstan, Aqtóbe, Qostanaı, Soltústik Qazaqstan, Qaraǵandy oblystarynyń jekelegen ózenderinde tasqyndardyń kúsheıýi, sý deńgeıiniń kóterilýi kútiledi. Respýblıkanyń ońtústik, ońtústik-shyǵys jáne shyǵysyndaǵy ózenderinde sýlylyqtyń aýytqýlary baıqalady.
