Qazaqstannyń ońtústik-shyǵys óńirinde jel kúsheıip, burqasyn soǵady
ASTANA. QazAqparat - Búgin Qazaqstannyń basym bóliginde frontaldi bólikterdiń ótýine baılanysty jaýyn-shashyn saqtalady, ońtústik-shyǵys óńirde jáne batysta ekpindi jel men burqasyn bolady. Keı jerlerde tuman, kóktaıǵaq kútiledi, dep habarlaıdy Qazgıdromet.
Qaraǵandy, Shyǵys Qazaqstan oblystarynyń keı jerlerinde tuman, burqasyn kútiledi, jeldiń jyldamdyǵy 15-20 m/s-ǵa deıin kúsheıedi, Shyǵys Qazaqstan oblysynyń keı jerlerinde kóktaıǵaq bolady.
Soltústik Qazaqstan oblysynyń keı jerlerinde tuman, kóktaıǵaq bolady.
Qyzylorda, Batys Qazaqstan oblystarynyń keı jerlerinde tuman, kóktaıǵaq kútiledi, kúndiz jeldiń jyldamdyǵy 15-20 m/s-ǵa deıin kúsheıedi.
Aqmola, Qostanaı, Pavlodar, Mańǵystaý, Atyraý, Jambyl, Almaty oblystarynyń keı jerlerinde tuman kútiledi, kúndiz Jambyl, Almaty oblystarynda jeldiń jyldamdyǵy 15-20 m/s-ǵa deıin kúsheıedi.
