Qazaqstannyń ońtústik oblysy Taıaý Shyǵys týrısteri úshin tartymdy - Úkimet basshysy
ASTANA. 24 sáýir. QazAqparat - Qazaqstannyń ońtústik oblysy Taıaý Shyǵys pen Shyǵanaq elderinen keletin týrısteri úshin óte tartymdy bolǵandyqtan atalǵan óńirde jazǵy týrızmdi damytý kerek.
Bul týraly búgin Úkimettiń selektorlyq rejimdegi otyrysynda QR Premer-Mınıstri Kárim Másimov aıtty.
«Biz Shyǵanaq, Taıaý Shyǵys elderiniń ókilderimen kezdestik. Máselen, bizder qys ýaqytynda sol jaqtarǵa baratyn bolsaq, jazda olar ártúri aımaqqa saparlaıdy. Olar Ońtústik Qazaqstan oblysyn óte ońtaıly dep otyr», - dedi ol.
Osy oraıda K.Másimov Indýstrııa jáne jańa tehnologııalar mınıstri Áset Isekeshevke Ońtústik Qazaqstan oblysynyń ákimi Asqar Myrzahmetovpen birlesip, atalǵan óńirde jazdyq týrızmdi damytý ári Taıaý Shyǵys elderinnen týrıster tartý máselesin qarastyrýdy tapsyrdy.
«Ol jaqqa kepildendirilgen suranys bar. Degenmen, qolǵa alar bolsaq, olardyń tamaqtaný, turǵylyqty orynjaıǵa qatysty úırenshikti standarttarymen jasaý kerek», - dedi Úkimet basshysy.
Sonymen qatar K.Másimov taıaýda Astanany damytýǵa qatysty ótken jıynda Elbasy N.Nazarbaevtyń elordada medıtsınalyq týrızmdi damytý baǵytynda bergen tapsyrmasyn eske salyp ótti.
