Qazaqstannyń ońtústiginde jemis-jıdek agroparkteri qurylady
ASTANA. QazAqparat - Jambyl jáne Ońtústik Qazaqstan oblystarynyń ekonomıkalyq áleýetin arttyrý maqsatynda memlekettik jáne jeke sektorlardy shoǵyrlandyrý arqyly shaǵyn jáne orta bızneske, ásirese aýyl sharýashylyǵyn damytýǵa ınvestıtsııa tartý úshin aldaǵy jyldary osy aımaqtarda jemis-jıdek saqtaý qoımalaryn salý, jemis-jıdek baqtaryn, óńdeý kásiporyndary men aralas óndiristi damytý baǵytynda aýqymdy jumystar atqarylmaq, dep habarlaıdy QazAqparat.
Osy baǵytta «Agrarlyq nesıe korporatsııasy» AQ, Jambyl oblysynyń ákimdigi men «Taraz» áleýmettik-kásipkerlik korporatsııasy» Ulttyq kompanııasy» aktsıonerlik qoǵamy, sondaı-aq «Agrarlyq nesıe korporatsııasy» AQ, Ońtústik Qazaqstan oblysynyń ákimdigi men «Shymkent» áleýmettik-kásipkerlik korporatsııasy» Ulttyq kompanııasy» aktsıonerlik qoǵamy arasynda yntymaqtastyq jónindegi úsh jaqty memorandýmǵa qol qoıý josparlanýda.
Baý-baqsha sharýashylyǵyn damytý joǵary mýltıplıkatıvti nátıjege ıe. Bul - konteıner jasaý, qaptaý, tehnıkany qurastyrý, tamshylatyp sýarý jáne t.b. óndirister boıynsha jobalardy qurýǵa múmkindik beredi.
«Jergilikti atqarýshy organdar jer ýchaskelerin berip, ınfraqurylym men ǵımarat qurylysyna jaýapty bolsa, «Agrarlyq nesıe korporatsııasy» AQ klıentterdi tartyp, eksportqa baǵdarlanǵan «AgroEksport» baǵdarlamasy boıynsha jeńildikpen qarjylandyrý jumystaryn júzege asyrmaq», - delingen taratylǵan habarlamada.
