Qazaqstannyń ońtústiginde - jel, jańbyr, tuman jáne kóktaıǵaq bolady dep kútilýde - 17 naýryzǵa arnalǵan aýa raıy boljamy
ASTANA. 16 naýryz. QazAqparat - Qazaqstannyń kóptegen aýmaǵyndaǵy aýa raıyn tsıklon anyqtaıdy, 17 naýryz kúni jaýyn-shashyn bolady: soltústikte - qar, ońtústikte - jańbyr jaýyp, jel kúsheıedi, burqasyn, tuman jáne kóktaıǵaq kútilýde,
dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Almaty oblysynda keıbir jerlerde jeldiń sekýndyna 18-23 metrge deıin kúsheıýi, Alakól kólderiniń aýdanynda túnde jel ekpini 30 metrge deıin jetedi dep kútilip otyr.
Jambyl, Mańǵystaý, Qaraǵandy oblystarynda keıbir jerlerde tuman, kóktaıǵaq, jeldiń 15-20 m/s deıin kúsheıýi kútilýde.
Ońtústik Qazaqstan oblysynda - keıbir jerlerde 15-20 m/s jyldamdyqpen jel soǵyp, túnde tuman túsedi.
Qyzylorda oblysynda keıbir jerlerde tuman, jel jyldamdyǵynyń 15-20 m/s deıin kúsheıýi kútilýde.
Batys Qazaqstan oblysynda keıbir jerlerde tuman túsedi.
Atyraý oblysynda keıbir jerlerde tuman túsip, kóktaıǵaq bolady.
Qostanaı oblysynda - keıbir jerlerde tuman, burqasyn, jeldiń sekýndyna 15-20 metrge deıin kúsheıýi kútilip otyr.
Soltústik Qazaqstan, Pavlodar, Aqmola oblystarynda keıbir jerlerde burqasyn, jeldiń 17-22 m/s jyldamdyqpen soǵýy kútilýde.
Shyǵys Qazaqstan oblysynda - keıbir jerlerde sekýndyna 15-20 metrge deıin jel soǵady.
Jaqyn táýlikterde Syrdarııa (Kóktóbe jáne Kergelmes gıdrobeketteriniń arasynda), Shý ózenderinde, Almaty oblysynyń jekelegen ózenderinde (Іle, Qaratal, Aqsý, taǵy basqa) muz betiniń álsireýi jáne buzylýy kútilýde. Ońtústik Qazaqstan, Jambyl, Almaty jáne Shyǵys Qazaqstan oblystarynyń ózenderinde sý deńgeıleriniń aýytqýlary baıqalady. Aýa temperatýrasynyń joǵarylaýyna jáne kútilip otyrǵan jaýyn-shashyndarǵa baılanysty Almaty oblysynyń tómengi taýly aımaǵynda qardyń erýi baıqalady. Ońtústik Qazaqstan oblysynyń jekelegen tómengi taýly ózenderinde sý tasqny bolýy kútilýde.
