Qazaqstannyń ońtústiginde jel kúsheıedi dep kútilýde, keı jerlerde shań kóterilip, daýyl turady - 20 shildege arnalǵan aýa raıy boljamy
ASTANA. 19 shilde. QazAqparat - QR Qorshaǵan ortany qorǵaý mınıstrligi «Qazgıdromet» RMK málimetteri boıynsha, 20 shildede Qazaqstan aýmaǵynyń basym bóliginde aýa raıynyń turaqsyzdyǵy saqtalady, keı jerlerde naızaǵaı jarqyldap, jańbyr jaýady, burshaq jaýyp, uıytqyǵan jel soǵýy múmkin, tek respýblıkanyń batysynda jáne ońtústiginde jaýyn-shashynsyz aýa raıy kútilýde.
Soltústik Qazaqstan, Pavlodar, Shyǵys Qazaqstan oblystarynda, túnde Mańǵystaý oblysynda, kúndiz Ońtústik Qazaqstan, Qyzylorda, Aqtóbe oblystarynda keı jerlerde jel 15-20 m/s-qa kúsheıedi dep kútilýde, Qyzylorda oblysynda shań kóterilip, daýyl turady. Aqmola, Qostanaı oblystarynda túnde jáne tańerteń keı jerlerde tuman túsedi dep kútilýde.
Ońtústik Qazaqstan oblysynda keı jerlerde qatty ystyq bolady dep kútilýde.
Respýblıkanyń soltústik-batysynda, batysynda, ońtústiginde, ońtústik-shyǵysynda keı jerlerde tótenshe joǵary órt qaýpi saqtalady.
Jýyrdaǵy úsh táýlikte respýblıkanyń ońtústigi, ońtústik-shyǵysy jáne shyǵysy ózenderiniń kópshiliginde sý deńgeıiniń turaqsyzdyǵy baıqalady; Ońtústik Qazaqstan, Almaty oblystarynyń jekelegen taýly ózenderinde jańbyr jaýady dep kútilýine baılanysty, sý shyǵyny ulǵaıýy múmkin. Qazaqstannyń jazyq aýmaǵynyń ózenderinde gıdrologııalyq tártipte aıtarlyqtaı ózgerister kútilmeıdi.
