Qazaqstannyń ońtústiginde ınjenerlik-saperler rotalarynyń aýqymdy jıyny óristetildi (FOTO)

ASTANA. QazAqparat - Qazaqstan Aeroutqyr áskerlerine qarasty áskerı bólimderdiń ınjenerlik-saperler rotalarynyń 400-den astam áskerı qyzmetshisi, sany 100 birlikti quraıtyn qarý-jaraq pen áskerı tehnıka «Bereg» polıgonynda dalalyq jıynǵa qatysý úshin jınaldy, dep habarlady QR Qorǵanys mınıstrliginiń baspasóz qyzmeti.

«Jıyn bir aı merzimge sozylady. Osy ýaqyt aralyǵynda áskerı qyzmetshiler dalalyq jaǵdaıda áskerı oqý-jattyǵýdyń kásibı tapsyrmalaryn oryndaýdy ótkizedi», - delingen habarlamada.

Polıgonda ınjenerler jáne saperler shartty qarsylastyń ornalasýy múmkin jerlerdi zertteýdi jáne jarylǵysh zattardy izdestirýdi júrgizedi, mınalyq-jarylǵysh bógetter men sý toǵany arqyly 60 tonnaǵa deıin júk kóteretin tehnıkany ótkizýge arnalǵan aýyr mehanıkalandyrylǵan kópirler turǵyzady, ózender men kólderde sý mınalarynyń bar-joǵyn zerdeleıdi.

Osyndaı dalalyq jıyndar jaýyngerlerdiń dalalyq mashyqtanǵan daǵdysyn arttyrýǵa, jaýyngerlik ázirlik qarqynyn ósirýge, ınjenerlik-saperler bólimsheleri men esep-toptarynyń ózara is-qımyldaryn naqty nyǵaıtýǵa múmkindik beredi.

Rotalar men vzvodtar komandırleri úshin shtattyq tehnıkany keńinen qoldaný arqyly júktelgen mindetter ózderiniń praktıkalyq daǵdylaryn jetildirýdegi tamasha múmkindik bolmaq.