Qazaqstannyń ońtústiginde báısheshek gúldedi
ASTANA. QazAqparat - Elimizdiń kóptegen óńirinde qys áli de óz bıligin júrgizip tur. Al ońtústikte kóktemniń jarshysy - báısheshek gúldedi, - dep jazady 24.kz.
Kún nuryn seýip, óńirde jaıma-shýaq kúı ornaǵan. Aǵashtar búr jaryp, jer ananyń tamyryna qan júgire bastady. Kóktemdi jaqyndatatyn báısheshek óziniń náziktigimen, sulýlyǵymen ońtústik turǵyndaryna qýanysh syılaǵandaı.
Kún raıyn boljaýshylar tek demalys kúnderi ǵana emes, aldaǵy aptada da kún jyly bolatynyn aıtady.
Aqpannyń 24-i men naýryzdyń 2-si aralyǵynda Ońtústik Qazaqstan oblysynda kúndiz 12-den 17 gradýsqa jyly bolady. Keı jerlerde azdaǵan jaýyn-shashyn bolýy múmkin. Al óńirdiń soltústik aýdandarynda túnde +2+7 gradýs jylylyq saqtalady.
